別惹我!

心情糟透了...

又到星期四lu!

又到星期四~~ 可以同老公去食飯lu~ yeah!
放左工之後同老公去左葵涌廣場食碗仔翅~ 兩個人食到好好好飽呀~ \(-_-)/

食飽飽之後, 我地就去實惠行左個圈, 順便玩左一個好得意既遊戲~ heehee!
之後又出左去噴水池0個度坐下啦. 見到班細路0係到狂玩水, 仲以為自己去左潑水節添呀! 最攪笑係有個bb, 我估都係得3歲到, 我地去到已經見到玩到得返條尿片. 點知過左一陣, 仲連條尿片都唔見埋! 真係甘都得既?! o_O ??
差0的溜左講, 佢地甘多個細路連埋BB都係冇大人帶住, 即係冇大人睇住架. 其實甘樣好危險架, 萬一個bb浸親就大件事喇!

Badminton + 金鳳餐廳

Finally, we get to play badminton on Wednesday again! Yeah~~ Y(^_^) Y
We played at Kowloon Park tonite. The light was killing me and I couldnt focus well becos the lights were too bright! Well, of'cos I couldn't just blame on the light, my skill is not that good as well.
We had late dinner at 金鳳餐廳 on 山林道. It's a restaurant specialize on 鐵板餐. I had a beef fillet and i think it taste really good! Yum! However, as usual, I couldn't finish the whole set cos of my small stomach! heehee~
We had fun during the dinner talking about our trip to Macau at the beginning of this month (you can track back from my blog) and planning on some other trips (yea.. just planning tho!)
It's alwaz fun to chat with my team mates~ haha~

UNICODE

For those of you who couldn't read my blog or the characters just didn't show, please set your browser font to UNICODE. Sorry for the trouble that causes you. Hope you enjoy reading my blog~ :)

圈圈包 & 吐司麵包

用埋最後剩餘既湯種~~
呀~~我估我一個禮拜之內都唔會再整麵包lu~~ 夠晒皮喇~~!! \ (-_-)/

媽咪整好味道~

今日媽咪一定係心情好! 因為佢竟然買左和牛返黎~~ 今晚仲整左好好味道既肉醬長通粉, 仲有粟米羹添呀~~~ 好野呀!!
好耐冇食和牛喇~~ 雖然今日呢舊冇上次食0個舊甘肥美, 但係都好好味呀, 我好滿足架喇~!!

順便show埋琴日媽咪整既 西芹釀雞翼!! 一樣係勁好味!

麵包, 再黎! 北海道牛奶麵包

琴日整既湯種麵包甘好味, 今日一於再整~
今日整既係 北海道牛奶麵包! 不過我就冇 北海道牛奶窩, 只係用 十字排咋窩. 應該叫 "本地牛奶麵包" 先岩! heehee~ lol
今晚焗出賴既麵包依然係甘鬆軟, 實在令我太開心喇~~ 好野~~~ XD

阿龍咖哩

今日lunch time 出左去油麻地搵麵包模, 不過搵左好耐都冇0的又平又靚既... 全部0的尺寸都唔岩我心水既.
越行越肚餓, 就走去食lunch先!
因為知道要出油麻地, 所以出黎之前首先去 Openrice睇下附近有0羊好野食先!
搵到呢間 阿龍咖哩, 之前都聽人講過話好味, 今日黎賀呢頭, 就去試試啦!
嘩, 原來由油麻地行過去都幾遠下架~! (岩岩係佐敦 & 油麻地中間!)
不過行遠0的都抵~ 因為0個度既咖哩真係好好味呀!
聽講好似話係經過改良而迎合香港人既 巴基C坦咖哩窩~ 間鋪好多人架~ 不過個個都好似同老板好熟甘架窩.
價錢都算大眾化. 我食左個咖哩牛腩飯, 盛惠 $36! 店內有冰水提供, 係放0係枱任你斟0個隻!

好味程度足以令我0係不久既將來翻兜! XD

blue...again

今日好好天呀~
近黃昏時影既...

楓糖吐司

食飽飽返屋企之後, 我地就開工整麵包喇!
前幾日0係書展買左0個本 65度湯種麵包書, 今日急不及待要試試當中既食譜喇!
果然冇令我失望呀~~ 做出黎既包包超軟熟~~~ 好好味呀!!
終於成功做到吐司麵包喇! Yeah~~~

Sunday Lunch Buffet @ 帝苑酒店 Greenary

今日雖則係星期日, 不過我都好早就醒左喇!
今個星期日唔去打波, 原因係想陪下屋企人同honey, 仲有就緊係想去食 Sunday brunch/lunch buffet啦!~
原本想去 The Place 度食 brunch buffet 架, 不過又唔知仲有冇窩. 而帝苑既 Greenary 就好多人都話 okay 唔錯, 甘就去試下啦~ hee~~好開心, 又有 buffet食!

食物款式唔係話非常多, 不過係足夠有餘既. Refill都好快. 唔駛驚冇得翻兜~
有朱古力噴泉呀~~ 雖然係細細個, 但我都好滿足架喇~ 好好玩呀~~!

Badminton

Went to badminton tonite.
At 順利村室內運動場. My first time to play at this gym! Facilities are surprisingly well! .^__^.

Dined with my teammates at nearby.
Honey came pick me up at the MTR and go back home together.

仲夏夜之夢 A Midsummer Night's Dream (Blueberry Cheesecake)

裝飾完個蛋糕之後, 望住佢, 個腦就出現 Shakespeare 既著作個名, 仲夏夜之夢! 所以就幫呢個平平無奇既 blueberry cheesecake 改左個好漂亮既名~

藍, blue.

雨後的黃昏 = 藍天 + 雲朵.

書展2005

今日放左工之後同Honey去左書展呀. (夜場只須 $10 咋! )
好多人呀~~ 入到會場已經7點幾喇, 所以唔係好多時間行咋. 真係分秒必爭呀! 哈哈~ XD
我就緊係拿拿林去搵0的 cook books啦! 不過都搵得幾辛苦呀, 因為好多人好迫呀.
當然亦都要買 Harry Potter 6 啦! 經過格價之後, 我地以平價買左 $139 hard cover 仲有 Harry Potter紙袋添架! heehee~ 好開心呀!
我地行行下 Hall 2 先發現原來仲有 Hall 1既, 0個時已經9點喇~~ 所以我地就極速落 Hall 1 再睇喇.
卒之比我0係萬里機構買到我要買既書~ yeah! (全場 25% off!)

其實都唔夠時間行晒成個書展, 仲有0的書係未搵到架... 希望0係星期一前再有機會去多次啦!

好大雷呀~~

出面狂行雷狂閃電好得人驚呀!!
嚇到我0的貓全部變晒躲貓貓喇! 哩晒落sofa底呀! 好攪笑~

爆裂版片裝芝士蛋糕

今晚手痕痕焗既 cheesecake. 係用片裝 卡夫芝士 整架!! 味道好似伊滕家0個0的窩. 好好味呀!
只係用左大約 1個鐘頭鬆0的就焗好呢個蛋糕喇! (連 preparation) 又簡單又快捷, 我今個weekend都要再焗多次先得呀!

實在係熱!!!

真係好熱呀... 好熱呀.... 我覺得自己就黎溶喇~~
點解可以甘熱架? 對於我呢個唔鍾意開冷氣既人, 琴晚都頂唔順要開 3個鐘頭冷氣喇!
講開琴晚呢 真係恐怖呀! 半夜 3點幾0個時, 我比0的雷嘈醒左! 佢係不停甘打雷架囉! 又不停甘閃電! 我意思係真係不停呀~~~! 行雷0的聲又超響! 真係好似 "五雷轟頂" 甘呀!

唔知係咪因為呢兩日天氣甘熱, 加上又成日出出入入0的冷氣地方, 攪到我個喉嚨超痛呀... :(
要飲多0的媽咪煲既蘋果甜湯先得喇...

草莓卷蛋 Strawberry Roulade

琴晚整既 草莓卷蛋. 千祈唔好以為我為左慶祝 Jason 去左 Toronto而整既!!! 我只係利用左前幾日買落既 strawberry 咋!!
如果片蛋糕再厚0的甘就會更靚添呀~ 仲有0的 cream 唔知係咪因為我捲得太緊而比個蛋糕 absorb左呢? heehee~ XD

大掃除日

聽日細佬就走喇, 今日就幫下佢執下野, 執下房甘啦.
唉, 佢間房真係污糟到極點架喇! 可以執到 3 大袋垃圾出黎囉! CRAZY!
幫佢執完房之後, 我就順便執埋自己間房喇. 執左好多唔要既magazine呀, 紙呀, 衫呀... 清理左張書枱, 抹埋個地, 又吸埋塵... 嘩, 好 支力 呀~
丫, 仲洗左幾件衫 同埋 手巾仔 添呀~~!!
而家成間房都舒服晒喇~ 冇晒0的塵~! 不過唔駛2-3日又有塵架喇~ 都唔明點解閂晒窗都有塵既!

冇去到

卒之我今日都冇去到interview... 唉~
今日幫Micheal攪完學校0的野之後都10點幾喇... :(

見定唔見好呢...?

前日check email 既時候收到 jobsdb 介紹一份 Interior Designer Assistant. 諗住撞下彩, 試下apply啦. 不過過左3分鐘就收到email話間公司 withdraw左個 application. 甘就算啦, 我都係試下運氣0者.
點知~~~~~~~~今日0個間公司打電話黎約我去interview呀!!!!
我應承左人地聽日去interview, 不過而家又有0的唔想去....
唔想去係因為 就算人地請我, 我都走唔郁架啦... 初初apply都係試下運氣.
聽日又要同細佬攪學校0的野...又要11點過到灣仔, 諗諗下都好似唔夠時間甘....

唉~~ 其實最大原因係就算人地請我, 我老豆都唔會放我走囉.
有時.... 唔係有時, 係時時, 都覺得自己好似籠裡雀甘, 好想好想飛出去睇下外面既世界, 但係點都飛唔出個大魔頭既五指山...

Caramel Cheesecake

因為今晚Honey上黎我屋企食返, 加上我細佬下個星期就要去Toronto, 所以琴晚就整左呢個cheesecake俾佢地食喇. 其實只係隨意甘整... 冇睇0羊食譜, 我估都可以話係原創卦..??
heehee 食後感係大家都覺得仲可以再多加焦糖既份量~!
(焦糖係用我上次整 "樂家杏仁朱古力蛋糕" 用剩的~ )




*********RECIPE*************

材料: (7" Mousse Ring一個)

餅底材料:
牛油 ------- 50g
消化餅 ------- 125g

芝士蛋糕材料:
忌廉芝士------- 250g
糖 ------- 60g
魚膠粉------- 1湯匙
水------- 3湯匙
雞蛋------- 1隻
淡忌廉------- 250ml
雲呢拿香油------- 1/2茶匙
焦糖 ------- 4湯匙

準備:
*消化餅打碎, 加入牛油溶液 (50g), 拌勻. 然後壓實在模底. 先放雪櫃雪實.
*忌廉芝士切成小塊, 放室溫回軟.

做法:
1. 雞蛋 + 糖 用打蛋器打至發白.
2. 忌廉芝士用打蛋器打至軟滑, 然後加入1. 的蛋液. 繼續以慢速打發至忌廉芝士糊沒有粒粒.
3. 魚膠粉 + 3湯匙水 浸軟. 然後座熱水至完全溶解. 慢慢把魚膠溶液加入 (2) 內.
4. 加入雲呢拿香油 和 焦糖 4湯匙. 拌勻.
5. 加入已打發至8成的淡忌廉, 拌勻. (忌廉狀是剛剛好企身的)
6. 把芝士糊倒入之前做好的消化餅底模內. 輕輕左右搖晃一兩下, 令表面平滑.
7. 焦糖 一滴一滴的滴在餅面, 然後用竹簽畫上花紋.
8. 放雪櫃最少3小時才享用.
--------------------完成嚕~ 請慢用!------------------------

有關朱古力圍邊, 我是用從二記買回來的"淋面朱古力" 做的.
用了1 1/2 湯匙 的淋面朱古力, 座溶.
準備一條足夠圍繞蛋糕一圈的膠片, 把朱古力溶液 0即 上膠片. 放至稍為凝固便可圍在蛋糕的邊上.
然後放回雪櫃至食用前才把膠片慢慢撕去.

*你們知道那些冷風機嗎? 冷風機裡頭都有那些藍色的雪種. 我就是把0即上朱古力的膠片放上那個雪到冰冰的雪種上, 令朱古力加速凝結的!

長毛

上星期六同老公上完13樓穿線之後, 0係旺角街頭見到呢個人!
好多人圍觀, 但冇乜人聽佢up風. 個個影完相就擰轉頭走人.
我係其中一個! heehee~

再試劉森記

前個星期試過劉森記既蝦子撈麵, 覺得唔係甘岩胃口. 不過我總係覺得呢間野一定有過人之處, 唔係唔會甘多人捧佢!
琴日睇完醫生之後再返兜幫襯多次. 今次試下其他野食.
我食左鴛鴦餃河, 媽咪就要個南乳豬手麵. 果然今次冇再令我失望!
鴛鴦餃即係水餃+雲吞. 兩款個皮都好薄, 料好足! 裡面0的蝦咬落去索索聲! 仲有蝦子0係裡面添!
甘既質素都只係$15碗, 去邊度搵丫!
南乳豬手麵既豬手好入味! 麵彈得黎又唔重鹼水味, 真係好野呀!
另外, 佢地仲自製左0的酸辣蘿蔔. 每張檯都有一大樽放0係樹任你食! 好大方呀~~ heehee!
下次想起食水餃雲吞, 一定返黎幫襯佢!

Black Forest Cake & Golden Mango Tart

Ta Da~~~ 呢兩款 - 黑森林蛋糕 & 芒果黃金撻 就係我星期五努力所得出既成果喇!
佢地係我送比 琛B 同 細佬 既生日禮物~

其實0個日都發生左0的小事令到我好激氣架. 就係我同媽咪星期四0個日去買麵粉既時候, 原來攞錯左高筋粉呀! 仲要我拆開左個包裝先知! 大拿拿成 5kg 高筋粉, 真係唔知用到幾時呀!
仲要當時屋企已經冇晒低筋麵粉, 所以我地又要即刻飛車去買... 不過算啦~ 已經過左喇~下次買野一定要睇清楚先得喇!

今次既呢個 黑森林蛋糕既內"涵" 係用左 cherry味既Jelly instead of 真正cherry. 因為怕小朋友唔鍾意cherry呀嘛.

芒果黃金撻係琛B鍾意既~ 呢個小朋友好怪架, 唔鍾意strawberry架窩! 淨係鍾意芒果~~!
我以為所有女仔+小朋友都鍾意strawberry架.... @_@

Earl Grey Cookie + Chocolate Muffin

Haven't been baking for a while~ (only a week!!)
I wanted to make the chocolate muffin and cookies for some times, but was too lazy to get movin'!
But since we are gonna have a birthday party for the kids this Saturday, thought I should make some cookies for them!

For anyone who wants the recipes, please be patient! Coz I'm just too lazy to type everything up after a working day!

And believe it or not, I gonna make 2 cakes tomolo for Saturday's party!
BTY, I bought a very cute Miffy cake mould from 陳枝記 today! Hee~


Chocolate Muffin Recipe (改編from 西點學習大百科)

材料: (7cm Muffin模 5個)

無鹽奶油 ----- 50g
砂糖 ----- 80g
蛋 ----- 1個
低筋麵粉 ----- 85g
可可粉 ----- 15g
泡打粉 ----- 1小匙
鹽 ----- 1 撮
牛奶 ----- 60ml
核桃 ----- 5 片裝飾用

準備:
* 先將所有粉類一起過篩.
*無鹽奶油在室溫下回軟.
*焗爐預熱到 170度

做法:
1. 奶油用打蛋器打鬆. 分 2-3次加入砂糖. 每次加入砂糖都要攪拌混合. 繼續打發至變白色.
2. 加入蛋 和 鹽. 混合均勻.
3. 牛奶和粉類分2次加入 步驟2, 迅速混合拌勻.
4. 用湯匙將材料 "不" 入 muffin杯 到9分滿. 將核桃放在上面用手輕輕壓上.
5. 放入170度焗爐, 焗30分鐘即可.

七．一, 二 之 澳門遊

七．一, 我地無去遊行, 反而走左去澳門窩!
晨早7:30, 我地一行四人 (Alvin, 我, Kingsley, Will) 0係中港碼頭集合. 嘩! 好多人呀! 可能大家都襯住假期返大陸玩啦~ 真係人頭踴踴呀~!

上船喇~ *新渡輪0的位都幾舒服架窩! 我可以訓左兩覺呀! 不過應該只係去澳門0個程0的位先甘舒服, 因為我地回程既時候, 0的位又變返細細張lu...

(第1站)
一到步, 我地就即刻坐 3號 bus 去新馬路 搵0個間叫做 "三元粥品" 既粥舖食早餐啦. 點知......只係推開半度門, 裡面位老闆娘就話 : "唔好意思呀, 我地0的粥今日賣晒喇!"

下???? 只不過係 10:30am 咋窩... 甘快就賣晒0的粥??? 唔通0的粥真係好食得甘厲害...?
無辦法啦... 我地唯有一邊行, 一邊睇下邊度有餐廳囉. 卒之去左一間叫做 "勝利茶餐廳" . 3個早餐A, 1個早餐C ! 阿Will 既沙嗲牛肉湯麵既沙嗲湯底唔錯呀! 好味!



(第2站)











早餐後, 我地就坐 33號 bus 返酒店喇. (我地住 新世紀酒店@氹仔) 不過因為要 2:00pm 先可以 check-in, 所以我地就去左附近既 葡式住宅博物館 -- 龍環葡韻.
入場費: $5
有三間屋 (館)俾你睇. 不過其實除左第1間屋, 有0的傢俱擺設睇下之外, 其他0個兩間都無乜野好睇架喇. 得0的服飾呀, 生計工具呀甘...無乜特別架咋. 不過 $5 甘平, 就算數啦~
***順帶一提. 第1間屋(館) 0個度有位 "食蕉"叔叔, 好鬼惡呀! 唔可以大力行樓梯, 唔可以坐0個0的凳, 不過0個0的凳無野欄住, 你會以為係俾你坐黎影下相甘囉.... (一_一"")
如果你唔小心犯以上錯誤, 食蕉叔叔就會好惡甘喝你架喇!

呢個博物館前面有個荷花塘. 我地見到都起勢甘影相! 都消磨左唔少時間喔!


(第3站)





官也街就0係龍環葡韻博物館附近, 甘所以我地就選擇行路過去喇.
點知...俾個map 呃左, 攪到我地行左好多冤枉路呀~~~

官也街呢, 其實係一條賣手信既街黎既. 裡面有 :
車里哥夫, 莫義記大菜糕....等等

我地既lunch就係0係官也街裡面既 公雞葡國餐廳 攪掂喇.
因為大家都唔係好肚餓, 所以我地4個人只叫左少少野share黎食.
有
1. 鹹豬手檸檬汁沙律
2. 串燒

甜品: 1. 唔知0羊味既脆脆雪糕.
* 雖然係唔知0羊味, 不過真係好香好好味窩!
2. 芒果布丁
* 我覺得我整得好味過佢好多~~~ 佢既口感有0的似大菜糕...

服務唔錯, 雖然我地只係叫左甘少野食, 但係佢地都無面 火農. 反而好helpful添.
我地問路呀, 問邊間野係邊樹...etc, 佢都好樂意答我地窩~ 抵讚!

食完個lunch, 行出餐廳見到對面就係 莫義記大菜糕, 甘當然我又要試下睇下係咪真係甘得啦!!
我試左個 冰涼大菜糕. 望落個樣無乜特別, 同普通大菜糕一樣. 不過一放入口~~~不得了嚕...好薄荷呀!! 仲勁過 Airwave 爽浪 香口膠呀!
其實大菜糕仲有好多其他味道, 例如: 士多啤梨味, 雜果味...etc 好多顏色~ 大家如果有機會去既, 都可以一試既.


差唔多夠鐘返酒店check-in喇! 點知一入到酒店就發現好大條人龍! 原來大家都係排隊check-in架!
2:00pm先可以check-in 呢個規例實在太低B喇!!!

(第4站)





放低0的行李之後, 我地就出動去 澳門觀光塔.
澳門觀光塔高 61層, 338米高. 坐lift的話, 每秒可升5層樓高. 所以只須約15秒就可以上到塔頂喇.
58樓 係室內觀景台. 某部份地下用強化玻璃做成, 企0係上面望落去地下, 真係會腳仔軟架! 好驚架...!!

觀光塔另外有個玩意, 就係俾百幾蚊著上特別既安全衫, 出去塔外 (61樓) 行一個圈!
當日岩岩落完大雨, 但係我地都見到有對情侶玩窩! 我真係鄧佢地驚呀! 外面甘濕, 萬一"線"腳... 好恐怖呀!!


(第5站)






行完觀光塔之後, 我地就出發去 賽車博物館 + 葡萄酒博物館 喇. 途經 盛世蓮花. 影左幾張相! (果然係旅客!! 哈哈~)
入場費: $20 兩個館

基本上係冇乜特別野睇既.
賽車博物館有0的賽車, 老爺車, 電單車, 同埋澳門既賽車跑道.
葡萄酒博物館 - 一入到去就請你每人一杯 Fruity紅酒/Dry紅酒/白酒/冰酒. 味道... 唔駛錢, 你話會有幾好飲?
館裡面有0的著住唔同服飾既假人. (悶) 行入0的, 就有假既酒窖, 裡面裝左0的封晒塵既葡萄酒 (唔知真定假既...), 同埋有0的整葡萄酒用既工具.
仲有仲有, 就係假既葡萄! 不過 Kingsley 話佢地好真! 哈~~


(第6站)
大家都聽聞金沙賭場既自助餐好正, 好多野食. 甘我地又點可以錯過呢? Heehee~ XD
因為賭場內係禁止影相既, 所以影唔到相俾大家睇lu...

又聽聞金沙賭場食自助餐係要大排長龍既, 所以我地一入到去第一件事就係衝上2樓霸頭位~!! (聽起上黎都幾老土!)

自助餐由 5:30pm 開始. 先付費, 後入坐. (驚我地食霸王餐?!)
價錢: $228/1位
食物真係種類繁多, 多不乘數!
- 冷盤有20-30多款. 包括生蠔, 凍肉0者哩, 煙三文魚, 煙吞拿魚, 各款沙律, ham...etc.
生蠔係即開既! 隻隻都肥0都0都! 好好味呀! 我食左7隻甘多~ 好美味呀~~~ 好滿足~~~~
- 湯有4-5款. 其中一款係人參煲雞湯!
- 中式食物有 點心, e.g: 小籠包, 蝦餃, 燒賣...etc. 亦有各款其他菜色, 當中既片皮鴨都唔錯. 可惜係冇京荵, 如果唔係就perfect喇!
另外仲有即煮既粉, 麵, 粥...
- 有印度食物, e.g 各款咖哩, Naan...
- 西餐當然唔小得! 有燒牛肉 (略嫌un左0的), 扒類, 意粉... etc
- 甜品勁多種類! 有一個 Chocolate Foundue, 好以點 Marshmelow, 蜜瓜, puff... 不過係冇strawberry! (攪錯呀...!) 蛋糕乜款都有, 雪糕有6款. 可以加埋topping添!

總之呢, 如果你食得晒所有既野呢, 你個肚都應該差唔多爆架喇!!!

我地食飽飽之後就當然要落賭場玩下啦! 首先去睇下人地玩大細, 百家樂, 俄羅斯輪盤...etc.
跟住就去玩老虎機喇. Kingsley 掉左 $300落老虎機俾老虎食左! 阿Will就掉 $100, 但係老虎嘔返 $135俾佢窩!
差不多走既時候, 我地見到有張百家樂枱被人群包圍住. 原來係連開左廿多舖閒, 煲爆左個莊!! 如果我地都加入埋一份, 甘就發囉~~~!!!


(第7站)







食飽就去散下步啦! 我地返左去新馬路 既 議事亭前地 同 板樟堂街 0個度行下喇.
夜晚既議事亭前地都幾靚架. 柔和既燈光 加上古色古香既建築物, 同日頭既時候對比係另有一番風味!

行左一陣, 又係時候去食宵夜喇! 哈哈~ 我地呢個係為食團嘛, 當然要食過夠本啦!
宵夜係 義順 既 雙皮奶 及 紅豆雙皮奶. 雙皮奶真係好滑好滑呀! 比香港既義順雙皮奶滑不知幾多倍! Kingsley 一個人就可以食兩碗喇! 佢之前仲話好飽架窩! 由此可知真係好好味啦!

(第8站)
有澳門蘭桂坊之稱既 南灣湖區, 實在係冇0羊特別! 亦絕對唔能夠同香港既蘭桂坊相提並論! 去見識下就算喇. 冇入去0的酒吧坐...

11點幾鍾, 大家都覺有0的 支力 喇, 所以就返酒店休息下lu.
沖完涼之後, 我同Honey落左去酒店既賭場見識下. 不過唔知係咪因為已經去過金沙, 所以相比下, 我地酒店呢個希臘神話娛樂城就較為遜色喇.


第二日, 2/7行程

(第1站)

因為之前0個日既早餐食唔到三元粥品, 我地今次晨早起身第1件事就係打電話去粥舖叫佢留返4碗粥比我地! 今次我地 9:30am 去到, 終於都可以一試呢度既肉丸粥喇! 果然冇辜負我地晨早起身既精神, 呢度既粥果然係好好味! 同其他粥舖既粥好唔同. 佢地既粥係煲到好棉好棉, 味道調校得岩岩好. 粥底有一隻蛋, 了混之後碗粥變成黃色, 多一份蛋味, 更吸引! 肉丸係即叫即整既. 即係一大盤肉, 有人order既時候先會整成肉丸! 味道唔錯架. 好新鮮~
終於明白點解佢地既粥可以0係短時間內賣完~ 哈~~ 食完之後有種滿足既感覺~

(第2站)



襯早又好太陽, 我地背住重重既背囊都要出發上大三巴~! (順路又慳時間)
估唔到早上都擠滿遊人~~果然係旅遊點!
大三巴旁有個哪0宅廟. 其實都冇0羊好睇, 不過我地都順便去望下啦.
跟住又好笨笨甘行斜路上去舊城牆睇砲台. 點解我話笨笨呢? 因為當我地行到上去先發現原來係有電梯上去架~~~~~!!!! 哇哈哈哈哈~~~ 攪到我地個個行到又熱又 支力~ 真係攪笑~ XD

(第3站)


行返落板樟堂前地途經 聖母玫瑰堂, 我地又走入去八下~
之後去左 西灣安記 食豬扒飽. 當大家都食豬扒包既時候, 我就食 辣魚包~ 因為我一向對豬扒包實在不大興趣~ 可惜呢間 西灣安記 既豬扒包同辣魚包都冇網友講既甘好味... 有0的失望呀~

(第4站)


因為唔想整日都背著重重既背囊, 所以我地就走去金沙借佢地個寄存處用下啦. 順便借埋個washroom用下添啦~ heehee~ lol
其實都唔係肚餓既, 但係為左符合我地呢個為食團既宗旨, 所以就算唔肚餓, 我地都要去食好味道!
今次我地去左 賽車看台0個度間 比薩薄餅店 食Pizza! (途中又行左不少冤枉路...都怪我不好~~~ :P)
因為唔餓既關係, 我地只order左一個細既 Parma Pizza 同 一個 三文魚片檸檬Salad.
後來真係後悔只order左細既 Parma Pizza, 因為實在太好味喇! 相信就算肚飽你都可以食到兩塊!

(第5站)



食食食, 繼續食!! 食完lunch當然要食甜品!
我地再專程坐小巴到 荷蘭園大馬路 既 禮記雪糕 食雪糕做甜品~
(小巴真係帶你遊花園甘周圍兜~ 差不多要半個鐘先到~! 我都訓左幾覺lu! )
禮記係一間有60多年歷史既老舖. 雪糕包裝仍保留舊貌, 非常懷舊feel架~!
我試左個紅豆雪條, Honey就要香芋雪糕, 阿Will 要 Vanilla 同香芋雪糕 + ice cream sandwiches, Kingsley又係 Vanilla味~
紅豆雪條有好多紅豆~ 而且仲有種 "家的味道", 好似細個媽咪煲紅豆沙整雪條既味道甘~ 香芋雪糕並唔係平時見到既紫色, 而係白色既! 裡面有芋頭茸, 好明顯係真材實料所製, 並非色素也!! 真係好香, 好好味~
至於Vanilla味我就冇試喇. 不過見到顏色頗黃, 知道佢一定落左好多蛋黃黎整~
對於呢間老舖既雪糕, 我真係幾滿意呀. 比起甚麼 Häagen-Dazs, 禮記雪糕好似多一份homemade feel!

(第6站)
食得飽飽地, 我地就走去行下街, 行下公園啦. 去左 盧廉若花園. 地方唔算大, 有花有樹有池塘, 所以都頗多蚊! 因為唔想餵蚊, 所以我地只係逗留短時間就走lu.

(第7站)



消化左少少, 個胃又有少少空位, 甘緊係又要再去搵野食啦~
今次我地黎到 馬統領街, 試試 瑪嘉烈 既葡撻!
又係一個迫滿人既地方! 相信都係一個景點黎架喇~!
講真, 葡撻完全係靠佢夠熱, 個皮夠酥, 蛋夠燶先好味! 好彩呢度都做得到! 可惜個奶茶真係唔得!
唔夠凍又苦~! 扣分!

(第8站)

旅程差不多完結喇, 都係時候去買返0的手信喇!
我地又返到 議事亭 附近既 清平直街 選購手信啦~ 呢度有好多大大小小既手信鋪, 可以話全部同食有關! 雖然話唔買甘多, 但我都買左3大袋!
首先係去 名家手信 買左0的杏仁餅, 脆脆豬肉乾, 同埋 三千年開花三千年結果既王母番桃!
然後就去 咀香園 買紫菜肉鬆鳳皇卷. 我地幾個夾夾埋埋買左成十幾盒呀!! 阿Will仲買左雲片糕添呀! 雲片糕係我細個既時候其中一款最鍾意既食物黎架~!
最後就係去 鉅記 買花生糖喇!
哈哈, 真係滿載而歸呀!

(第9站)





晚飯時候! 原本想去 九如坊 食葡菜既, 點知我地 5:30去到, 佢已經話full house喇! 但係0個時間餐廳仲係好吉架窩!
算啦, 甘我地就由 Kingsley發板, 去 龍記酒家 食魚翅喇!
聽Kingsley講話唔錯架!
我地order左 白焯中蝦, 雞燉翅, 乳鴿, 同埋菜菜. 雞燉翅果然唔錯呀~ 好鮮味!
乳鴿都幾好味~ 中蝦差0的食唔晒添!
食左甘多野先每人百鬆0的蚊! 算抵啦~


真係夕陽無限好, 只是近黃昏! 黎到呢度, 旅程要完結喇.
我地返去金沙pick up返0的行裝, 就去碼頭上船喇~
雖然今次旅程由8人減到得返我地4個人, 但係都好開心丫. 全程大家都好融合, 冇話意見分歧甘, 真係好難得呀~!
希望以後再有機會可以一齊去旅行一齊玩啦~